As recomendacións do día

Grotesco

Autora: Natsuro Kirono

Editorial: Emecé

Prezo: 22,50€

Na súa fascinante e impactante nova novela, Natsuo Kirino, autora de Out, móstranos unha vez máis a cara menos coñecida do Xapón contemporáneo. Groteco narra a historia de tres mulleres e a súa interconexión coa beleza e a crueldade, o sexo e a violencia, a fealdade e a ambición. Da man desta extraordinaria escritora, introducómonos no máis fondo da degradación persoal e humana, nos rasgos máis vulnerables e débiles de carácter dos individuos maltratados pola vida.

O seu argumento:

Tokyo. Duas prostitutas, Yuriko e Kazue, son brutalemnte asasinadas. A súa morte deixa unha estela de preguntas sen resposta sobre a súa identidade. Quén se agocha tras o asasinato? e, sobre todo, cómo chegaron a este terrible final?. A trav´s do diario da irmá maior, Yuriko, sumerxímonos na infancia das irmás e coñecemos de primeira man os entresixos dunha sociedade na que unha estricta xerarquía social decide o destino dos seus habitantes.

Body World

Autor: Dash Shaw

Editorial: Sins entido

Prezo: 25€

Ano 2060. Boney Borough (Botánico, escritor, romántico empedernido) acaba de chegar para investigar unha extrana pranta que crece nos arredores do instituto. Jem Jewel (a seductora profesora de ciencias) sente curiosidade polo doutor Phanter, pero o que máis lle preocupa e protexer aos seus alumnos.

Billy Borg (a estela de atletismo) ten problemas para combinar a escola, as rapazas e ser o capitán do equipo de Dadobol. Pearl Peach (a estudante rebelde) busca escapar do seu propio mundo e Paulie podería ser xusto o que necesita.

Dash Shaw e autor de "Ombligo sin fondo". Body World foi publicada orixinalmente online e nominada aos premios Eisner 2009 na categoría Webcomic. A medio camiño entre a ciencia ficción e a clásica novela de instituto, as úa publicación en papel en formato vertical dota á obra dun carácter único e innovador dentro do xénero.

As recomendacións do día

 Botchan

Autor: Natsume Soseki

Editorial: Impedimenta

Prezo: 19€

Botchan é unha novela de Soseki Natsume. Publicouse por primeira vez no ano 1906 nunha revista chamada Hototogisu. Máis tarde os dereitos de publicación foron adquiridos pola Editorial Shunyodo.

A obra basease na experiencia do autor coma mestre e narra as aventuras precisamente con carácter  “edokko” ou de Tokyo, basado do sentimento de xustiza. É unha das obras máis representativas e máis famosas e ñidas en Xapón nos últimos cen anos.

Botchan foi un rapaz orixinario de de Tokyo, e a historia comeza narrando a súa adolescencia despreocupada baixo o coidado dunha serventa chamada Kiyo. Botchan finalmente remata os seus estudos na Escola de Ciencia de Tokyo e acepta un posto de profesor de matáticas na escola secundaria da Cidade de Matsuyama, na Prefectura de Ehime. Alí, o primeiro que fai é poñerlle apodos aos seus superiores e colegas. Ao director chámao “Tanuki” (can mapache), ao xefe de estudos apódao “Akashatsu” (camisa vermella), ao profesor de arte “Nodaiko” (paiaso)…

Unha obra chea de humor, pero tamén de experienzas nas que Botchan crecerá coma profesor e coma persoa.

 Los cuentos de Ise

Autor: Ariwara Narihira

Editorial: Trotta

Prezo: 12€

Os contos de Ise foron escritos por por Ariwara Narihira entre os anos 825 e 880. Ariwara foi un poeta xaponés pero ademáis foi príncipe do primeiro periodo Heian. Ademáis era bisneto do emperador Kammu, que reinou dende o 781 a o 806.

Os contos de Ise, narran lexendarias fazañas de amores cortesáns Son poemas-relatos, característica da literatura xaponesa, e consisten en versos curtos chamados “tanka”, intercalando pasaxes en prosa que narran aventuras.

Estes contos son exactamente 209 poemas tanka, de cinco versos, que en total suman 31 sílabas, distribuídas da seguinte maneira: 5, 7, 5, 7, 7. En ocasión están agrupados de a dous ou de atres, e separados por textos breves en prosa. Relatan en total 125 anécdotas.

Neles úsase un estilo elegante, pero nunha linguaxe primitiva. Os temas de amor, a ausencia do ser amado, o desengaño e a ledicia do reencontró. Narihira foi considerado un dos maiores poetas da primeira antoloxía imperial e cos Contos de Ise chegou a sua gran obra.