As recomendacións do día

Cuentos de amor alrededor del mundo (libro+CD)

Texto: Muriel Bloch/Narradora: Cristina Peregrina/Música: Fred Costa e Guilla Thiam/Ilustracións: Chloé Poizat

Editorial Kókinos

Prezo: 26€

En seis contos e unha canción seleccionadas nos catro confíns do mundo, Muriel Bloch explora as facianas insólitas do amor.

Tras o destino das personaxes moi variadas atopamos toda unha gama de sentimentos amorosos que evoca a narradora: unha xove nómada que fuxe dos seus por mor  dun bico roubado, un pequeno camello branco disposto a todo para atopar á súa nai, unha xove casada que arrisca a súa vida na súa noite de vodas, dous nenos que se queren a pesar das pohibicións.

Unha viaxe sorprendente, sublimado polas ilustración de Cholé Poizat con acopañamento musical de Fred Costa (clarinete, saxofón e teclados) e Guilla Thiam (voz, guitarra e percusión).

Mefi, Sata e Demi

Texto: Mercedes Neuschfer-Carlón / Ilustracións: Dani Torrent

Editorial Kalandraka

Prezo: 13€

No centro dunha fraga de enormes e antigas árbores, alzábase un castelo escuro e tebroso. Alí vivía o viúvo conde Similoff cos seus tres fillos: Mefi, Sata e Demi.

Estes tres nenos eran tres verdadeiros demos que lle facían a vida imposible a todo o mundo. Máis un dia o conde decide volta a casar e as cousas comezan a cambiar. Comezan a cambiar... coa chegada ao castelo de tres nenas doces, limpas e ben educadas...

Matchibako e Nara

Matchibako

Autora: Maggie Kinser Hohle

Editorial: Mark Batty Publisher

Idioma: Inglés

Prezo: 15€

Matchibako: Japanese Matchbox Art of 20´s and 30´s móstranos a rápida transformación de Xapón nun imperio industrial no século XX tal e como Se mostra nos anuncios  das caixas de mistos da época.  Ás caixas de mistos uníronse as de tabaco e nos hoteis de estilo occidental ou nos bares de shushi era habitual ver deseños nos que occidentais visten kimonos, xente debatindo a última película dos Mrax. Aparecía o novo grafismo xaponés.

Ainda que a maioría dos deseños se fixeron de forma anónima, estas diminutas obras de arte mostran o resultado da influenza do cubismo e de Bauhaus. Este pequeño libro é unha deliciosa colección de imaxes que Xapón legou xa fai moitas décadas.

Oh! my God, I miss you

Autor: Yoshitomo Nara

Editorial: Chronicle Books

Prezo: 10€

 

Unha abraiante colección de 30 postais, para disfrutar e paladear. Unha bonita recopilación dalgúns dos traballos de Nara que non deixará indiferente a ninguén. Ben sexa amante do estilo de Nara, da pintura, ou simplemente quere unas preciosas postais dun estilo inconfundible, terá un tesouro tanto para gardar coma se que quere regalar esta obra a un parente, amigo…

A recomendación do día

Una vida errante (volmenes 1 e 2)

Autor: Yoshihiro Tatsumi

Editorial: Astiberri

Prezo: 24€ cada un dos volúmenes

Yoshihiro Tatsumi é unha figra seminal na historia do manga xaponés. A súa obra goza do recoñecemento mundial. Pódese decir este autor é o pai do "gekiga", un tipo de manga diferente, máis culto e literario que a maioría dos mangas da súa época.

Unha vida errante ofrece un relato en dous tomos en primeira persoa, da evolución do manga dende que se lle consideraba "unha  cousa de nenos", ata que se converteu nunha parte vital da sociedade e da cultura xaponesa.

Tatsumi invertiu once anos da súa vida na elñaboración desta monumental obra autobiográfica (os dóus volúmenes suman 850 páxinas), comezando polas súas experiencias infantís de Osaka e pasando pola súa adolescencia e xuventude nun Xapón abrumado polas sombras da Segunda Guerra Mundial.

A través do seu alter efo, Hiroshi, Tatsumi mostra o deteriorado matrimonio dos seus pais, a fráxil saúde do seu celoso irmán e as numerosas trampas ás que debe enfrontarse no competitivo mundo do mercado do manga no Xapón de medidados do século XX. Unha vida errante é un libro persoal e apaixoado, pero tamén é unha obra ambiciosa sobre unha persoa e un país en transición.

Cuenta hasta cinco (conto da India)

Adaptación: Ramón Girona / Ilustracións: Sebastià Serra

Editorial: Zorro Rojo

Prezo: 9,90€

O asno do alfareiro está preocupado xa que non sabe contar ata cinco. Pero unha noite, alguén lle dí: "fai o que sabes facer: conta ata cinco e non te preocupes de nada máis" De camiño ao mercado, o asno comeza a contar: un, dous, tres, catro, cinco...

Se chegas ao final deste conto sen perderte, descubrirás como o asno aprendeu finalmente que, despois do cinco, veñen o seis, o sete, o oito, e así ata o infinito.

Contos daquí, contos dalá, contos de todas partes. En calquer lugar do mundo alguéne está disposto a contar un conto. "Cuenta hasta cinco" é un bo exemplo.

As recomendacións do día

Origami, un libro para recortar, doblar y jugar

Autor: La Zoo

Editorial: Coco Books

Prezo:15,50€ 

Con ta só unhas tesoiras e co papel deste libro, o neno sumerxirase no mundo das mascotas, os seus cans, e no da cociña, preparando menús para os seus clientes.

Tamén deseñará vestidos de bonecas e adentrarase no ámbito do interiorismo decorando a súa propia casa. Este orixinal e divertido libro de origami axuda a facer voar a imaxinación creando xoguetes. Nel atópanse  máis de 100 figuras diferentes para cortar  e dobrar.

Hokusai´s Mount Fuji

Autor: Hokusai (labor de recopilación: Jocelyn Bouquillard)

Editorial: Abrams

Prezo: 25€

Un fantástico álbum recopilatorio de Hokusai e as súas estampas sobre o Monte Fuji, realizado por Jocelyn Bouquillard para a editorial Abrams. Ademáis dos increibles debuxos que fixeron famoso a este Hokusai, podemos adentrarnos a través das páxinas deste libro tanto na histioria do Xapón no que viviu a o autor,  asi coma nunha analise das súa obra.

Imprescidible para aqueles amantes das estampas e historia xaponesa.

As recomendacións do día

The Comic Journal Edición Especial: Masters of Manga

Editorial Fantagraphics Books

Prezo: 30€

Dende a Editorial Fantagraphics Books, chega este número especial do ano 2005.  Este foi u dos volumes máis especiais e máis esperados por moitos aficionados ao manga, pero sobre todo a aquelas persoas que senten curiosidade por sabre un pouco máis dunha publicación xaponesa que recolleu durante moitos anos os traballos de artistas e mangakas que revolucionaron cos seu debuxos e coa su imaxinación o panorama do  mundo do cómic nipón.

A longo das páxinas de “Comic  Journal: Masters of Manga” poderemos averiguar quen foi o fundador da Revista Garo e por que decidiu fundar este magazine. Un repaso amplo pola carreira de diferentes autores da mítica publicación coma Yoshihiro Tatsumi, Hidesi Hino, Shigeru Mizuki, Shuehiro Maruo, Sanpei Shitaro ou Tadao Tsuge. Unha recopilacion no só de informacion detaiada de Garo e os seus mangakas, tamén cunha gran selección de imaxes da época que ilustran un fenomenal artigo de varias páxinas .

 Goodbye

Autor: Yoshihiro Tatsumi

Editorial: La Cúpula

Prezo: 7,50€

Tetsu é un macarra de pouco monta que vive coa súa moza. Non sabe facer nada de nada e non ten ningunha meta na súa vida, e ainda por riba apenas fala. Un día marcha para non voltar. Mikaé unha prostituta que está atormentada pola soedade. Cando por fin atope a un home que queira quedarse xunto a ela , pensa que e posible que a situación pode que non sexa tan satisfactoria coma ela soñara dende sempre.

Kyoko abandonou ao seu marido dous anos atrás. Ao seu regreso, descobre que a casa está exactamente igual a coma a deixou o día en que decidiu partir. Yamaguchi e outros homes de negonios teñen unha aposta apiques de facer: o que acerte o número de falecidos en accidentes de circulación da semá próxima, levarase os cartos. Pero en realidade, que importa o número de falecidos nun accidente de circulación da semá seguinte, cando a cada súdo lle segue un adeus. Así funciona e así o retrata Tatsumi nesta maxistral antoloxía de historias breves: sen moralexas e con un pulso narrativo case documental e unha sensibilidade capaz de conmover  a todos os que o leen.