Proxección de curtas

A Libraría Endo (A Coruña- R/Entrepeñas, 41 Baixo) volta este sábado día 12 de Marzo cunha nova actividade. Esta actividade será a proxección de dúas curtametraxes.

Estas dúas curtas serán presentadas por Sergio Pena e  Alfredo Pardo de Chantada Films, este sábado día 12 de Marzo ás 18:00h da tarde. "Amor ansioso" e "Garabolis" son os nomes destes dos traballos.

Por unha banda temos “Amor ansioso” dirixido e guionizado por  Sergio Pena. 

A curta conta a historia de Iván, un mozo de familia de ben traballa nunha oficina, posto que consegue coa mediación do seu acaudalado pai, empeñado en facer del un home de proveito. A separación dos seus pais aféctalle ata o punto de padecer unha terrible ansiedade, que trata con medicación.

A segunda curta chámase “Garabolis” e está dirixida por Alfredo Pardo Hermida e guionizada por Manuel Guisande. Algúns dos actores que aparecen nesta cinta son Carlos Blanco e Mela Casal.

A historia conta coma Garabolis non só é unha rúa, é un rapaz que soña con ser un atouciñado terratenente. Na Chantada dos anos 40, onde pordioseiros, busconas, vividores, gardas e labregos, conviven nesta xungla rural; a picaresca e as aspiracións de Garabolis agudízase polas labirínticas rúas da Vila.

Cartaces das curtametraxes

Crónica da presentación de "Manga: del cuadro flotante..." e concerto de Yume Crisis

O pasado luns día 26 de Febreiro, foi un día moi especial para a Libraría Endo xa que puidemos disfrutar da presentación dun libro sobre manga que baixo o meu punto de vista marcará un antes e un depois con respecto a outras publiciación sobre este mundo tan amplo e complexo que é o manga xaponés. Estamos a falar sen dúbida do libro “Manga: del cuadro flotante a la viñeta japonesa” escrito por José Andrés Santiago Iglesias, Doutor pola Universidade de Vigo, e profesor da Facultade de Belas Artes de Pontevedra.

Os asistentes, que encheron por completo a libraría, puideron escoitar coma o autor desta magnífica monografía explicaba como decidiu meterse fondo nunha investigación sobre Xapón e o seu cómic, para elaborar a súa tese doutoral que máis tarde adaptaría nunha publicación de 600 páxinas nas que podemos atopar dende unha ampla analise sobre os diferentes tipos de manga, incluso polos menos frecuentados coma o yaoi ou o yuri. A situación socioeconómica do manga ao longo do tempo, e por suposto o fenómeno Fandom tanto en Xapón coma no resto do mundo e a influencia no mundo da arte e a moda que exercen tanto amango como os seus autores, algún delas considerado xa veradeiros artistas manga que son capaces que reinterpretar a cultura pop, adaptándoa á realidade nipona.

Este e moitos temas son os que se tratan neste libro e sobre os que José Andrés Santiago  falou na primeira presentación do libro que se facía en Galicia de “Manga: del cuadro flotante a la viñeta japonesa”

Debo dicir que é unha magnifica noticia comprobar a cantiade de xente interesada en todo o que ten que ver con Xapón e co manga, como así se demostrou na presentación deste libro. Personasde de idades moi dispares, dende rapaces e rapazas  aficionados ao manga, pasando por xente xa entrada en anos que asistiron por curiosidade ou polo seu gran interese polo país do Sol Nacente. 

Coma sempre, o discurso de José Andrés foi pausado e o fixo ademáis con claridade, sinxeleza e ceracanía á hora de falara e plantexar os temas tratados no libro, algo que os ointes sen dúbida agradeceron. Notouse e iso reflectiuse nas preguntas que lle plantexaron ao autor unha vez rematada a presentación.  Todos os que adquirion o libro poideron levar a casa non só un espectacular documento escrito no que se pode atopar imaxes ata agora nunca vistas polo aficionado ao manga, tamén a firma e dedicartoria do autor, algo que xa quedará grabado para sempre nas páxinas do libro. Moitas grazas José Andrés por achernos

Non rematou a xornada na Libraría Endo xa que acto seguido os asistente pudreon asistir ao concertó acústico por parte do grupo coruñés Yume Crisis, que interpretaron demaneira excepcional e brillante varias versión de cancións de anime, coma poden ser Mushishi, Naruto, Ergo Proxy, Beck (Mongolian Chop Squad)… Cabe destacar que moitas das cancións as tocaron con frauta algo que de seguro sorprendeu a máis de un. Como tamén sorprendeu aos viandantes o feito de que nunha ibraría se dese un concerto. Gran cantidade de peatón parábanse abraiados a contemplar o esctáculo dende o escaparate da propia libraría. Supoño que non é moi habital este tipo de actos e moitos pregunraba con curiosidade a que se debía o concertó. Ao saber a razón automáticamente comentaban que: “está ben se fagan estas cousas, que o barrio necesítao, para darle ambiente”.

En definitiva, unha xornada preciosa chea de cultura e música que espero que s os asistentes disfrutaran.

Moitas grazas a José Andrés Santiago e a Yume Crisis por un tarde tan especial para a Libraría Endo.

Fotos da Presentación do Libro

Fotos do concerto 

Presentación do libro," MANGA: del cuadro flotante a la viñeta japonesa"

O próximo luns día 21 de Febreiro terá lugar na Libraría Endo (A Coruña-Rúa Entrepeñas, 41 baixo) ás 20:00h da tade,  a presentación do libro Manga: del cuadro flotante a la viñeta japonesa. Escrito por José Andrés Santiago Doutor pola Universidade de Vigo e profesor na Facultade de Belas Artes de Pontevedra. Nesta presentación do libro José Andrés Santiago, falará sobre como decidiu ponerse a escribir un libro sobre manga, as súas motivacións. Fará un repaso tamén en forma de fotografía dese Xapón tan aficioado ao manga.

No libro consegue unha mezcla entrelinguaxe académico e linguaxe sinxelo. Precisamente esa combinación fai deste traballo un docuemento moi atractivo para todo tipo de públicos, sexan este aficionados ao manga ou non, pero que están interesados en saber e coñecer a historia do manga, as súas características, a súa influencia tanto en Xapón coma en Occidente ou a repercisión a nivel económico que supón o manga no país que o veu nacer. É un repaso detaiado sen caer en tópicos que quizáis xa están moi enraizados no imaxinario colectivo pero tamén do propio fan do cómic nipón.

Nos capítulos iniciais disecciona o comezo do arte ilustrado xaponés dende o S.VII como o emaki, pasando polo roios giga do sacerdote Toba Sojo, no que podemos atopar representacións de deidades e demos oni que pertencen á mitoloxía tradicional xaponesa. Un repaso detaiado que vai máis alá da historia artística de Xapón e que nos pon en sintonía cos cambios plíticos a través das diferentes eras e períodos polas que o país do Sol Ncente pasa. Shogunatos, Eras e Períodos foron espectadores de excelentes artistas que nos deixaron a súa visión da vida e das tadicións.

A través das súas páxinas podemos descobrer a delgada liña que existe entre diferentes tipos de manga coma son o Shonen, o Seinen e incluso o Shojo. Fala dos autores e as publicacións mangashi que achegaron p manga ao arte e a publicidade, como a Revista Garo ou a COM. Fala sen tapuxos sobre sous tipos de manga coma son o Yuri e o Yaoi, que moitas veces da a impresión de que para outros autores é un tema tabú do cal está prohibido falar.

Posiblemente un dos moitos aportes de José Andrés nesta publicación, é o capítulo adicado á sociedade , na que fala entre outros temas sobre o “Fandom”, os famosos “fansubs” e o que supuxo para aficionado e para o mercado do manga e o anime a aparición de internet Como o manga está presente na vida cotiá e está influindo tanto no pensamento como na moda ou o deseño na sociedade xaponesa.

Di José Andrés no epílogo que “un dos grandes logros do manga, en tanto que a manifestación cultural foi a de conmover a un amplo sector da poboación con total independencia do seu bagaxe educativo, coñecementos teóricos o posición social”, No lle falta razón.

Crónica da presentación de "A historia xamais contada.."

Onte ás 20:30 presentouse na Libraría Endo “A historia xamais contada” de Mariano Casas.

Foi un encontro no que o autor deste comic puxo sobre a mesa todo todos aqueles elementos que calquera que algunha vez sentiu un mínimo de curiosidade por como se crea unha historia, lle gustaría saber.

A través de imaxes, os asistentes puideron comprobar que moitas veces, non fan falla as letras para chegar a  comprender a mensaxe que se quere transmitir.

Mariano reflexionou acerca da súa propia maneira de facer comic e o fixo a través das preguntas que a xente lle ía facendo. Quizais o seu debuxo pareza moi tosco, pero para chegar a facer este tipo de debuxo vectorial, hai que saber debuxar moi ben. Isto foi algo que quedou totalmente demostrado vendo algunha das obras e láminas dun futuro proxecto.

“A historia xamais contada” tal e como conta o seu autor, foi un proceso creativo interesante xa que se documentou para poder levalo a cabo e iso vese reflectido tanto na historia coma nas localizacións nas que trancorren os feitos.

Unha historia brillante que conta a vida tranquila e aburrida dun creador de storyboards que por moito que o intente non consigue crear aquilo que quere. A través dos ollos do seu personaxe principal que é un tanto anacoreta vemos como vai cambiando a súa vida e a súa maneira de pensar. Non contarei nada máis do argumento. Para iso teredes que lelo e disfrutalo.

Só me queda darlle as grazas a Mariano Casas por vir á Libraría Endo e presetar a súa obra. Foi toda unha unha clase maxistral e unha boa ocasión para os presentes que non son habituais do comic, se puideran achegar a el,  decubrilo e disfrualo.

Mariano Casas presenta "A historia xamais contada xamais contada"

Imaxe de "A historia xamais contada xamais contada" de Mariano Casas

Mañá luns pola tarde ás 20:30 horas na Libraría Endo situada en A Coruña, na Rúa Entrepeñas 41 Baixo, temos o pracer de contar con Mariano Casas Gil que presentará a súa nova obra “A historia xamais contada xamais contada”. Esta será a primeira das moitas presentacións que se farán a partir de agora na libraría.

 

Nesta presentación, Mariano Casas falará do proceso creativo desta nova obra. Tal e como di o propio Mariano: “explicaré a los asistentes los pormenores y vicisitudes de este libro, cómo lo fui haciendo, bocetos, fotografías, etc, etc, que lo hicieron realidad...”.

O sorprendente desta nova obra de Mariano quizais e que está feita con imaxes vectoriais. Unha historia a priori sinxela, pero que a medida que se van pasando as páxinas un descubre a complexidade dos personaxes e a súa maneira peculiar de vivir e comprender a vida. Sen dúbida algunha todos aqueles que o poidan ler poderán descubrir unha gran historia no seu interior.

Aqueles que desexen vir a presentación poderán adquirir as obras de Mariano na libraría e contar con un exemplar firmado polo propio autor se así o desexan

Estou seguro de que será un encontro entre autor e aficioados bonito e sobre todo será unha gran clase maxistral de cómo crear un comic.

Sen máis convídovos a que vos acheguedes mañá pola tarde pola Libraría Endo ás 20:30 horas e poidades descubrir a este autor galego de banda deseñada.