Charla sobre anime experimental

 

Chega ao final as Xornadas de achegamento ao manga e anime e o fan cunha charla sobre anime experimental e anime cyberpunk que terá lugar  este xoves 31 de Marzo ás 20:00h da tarde na Libraría Endo ( A Coruña - Rúa Entrepeñas, 41 Baixo) .

Para esta ocasión os encargados de facer un percorrido por ambos universos animados serán David Pazos de blog e colectivo Serial Experiments e Leandro Garibaldi (Gari) da Asociación Movemento Xove. 

Nesta charla farase un repaso amplo sobre a animación experimetal xaponesa e falarese dos estudios máis famosos e os animadores que fan posible este tipo de animación tan pouco coñecido en España. Da mesma maneira Leandro Garibaldi adentrarse no mundo do manga e anime Cyberpunk, moi ligado tamén ao anime experimental. Proxectarase o primeiro capítulo do anime “Haibane Renmei” de Yoshitose Abe e unha curta que ao longo do día de hoxe desvelaremos.

En defitiva, unha máis que interesante charla na que se poderá descubrir ou redescubrir a animadores coma Koji Morimoto, Yoshitose Abe, Range Murata, Koji Yamamura, Masaaki Yuasa; estudios como Gainax, Madhouse, 4C; animes  e mangas coma Mononoke, Serial Experiments Lain, Evangelion, Ergo Proxy, Haibane Renmei, FLCL, Kino no tabi, Ursa minor Blue…

Se vos apatece pasar un rato entretido e coñecer o anime experimental e cyberpunk, non o dividedes, achegádevos a Libraría Endo.

Azumanga Daioh na Libraría Endo

Azumanga Daioh

Autor: Kiyohiko Azuma

Editorial: Norma

Prezo: 10€

Este xoves día 17 de Febreiro, terá lugar na Libraría Endo as 19:00h da tarde unha nova sesión de charla e proxección anime que leva por título: “Achegamento ao manga e o anine” Toca un manga con moito humor. O seu autor é o mesmo de Yotsuba!. Estamos a falar de Azumanga Daioh!. Se non o coñecedes e non o lestes, témolo na Lbraría.
Non faltedes!!!

Sinopse de Azumanga Daioh

Este manga segue o día a día de seis rapazas estudiantes e dúas profesoras nunha escola de secundaria de Xapón.

Podemos ver a obsesión de Sakaki cos gatos da cidade, a loita da nena prodixio Chiyo para conseguir a aceptación dun grupo moito maior en idade que ela, a pacencia de Yomi coa súa- menos lúcida- millor amiga Tomo. As ideas descabeiadas de “Osaka” e a competitividade de Yukari, a súa profesora, en situación como as vacacións de verán, festas, probas e  festivales atléticos de cada ano escolar. Ainda que se basea principalemente no cotiá, este manga contén situación absurdas con toques de surrealismo, como cando aparecen os sonos de ano novo dos personaxes.

Xormadas de achegamento ao manga e anime

A Libraría Endo (ubicada na Coruña na Rúa Entrepeñas, 41) ten o pracer de invitarvos a partir do próximo Xoves 20 de Xaneiro ás 19:00h a un ciclo de charlas e proxeccións sobre manga e anime que leva por nome “Xornadas de achegamento ao manga e anime”.  Cada quince días poderedes achegarvos a Libraría Endo para escoitar unha pequeña charla sobre un manga e posteriormente ver o primeiro capítulo da súa adaptación ao anime.

Este ciclo de charlas sobre manga e anime non só están destindas aos aficionados ao manga e ao anime, tamén para todos aqueles que sintan curiosidade por coñecer e aprender un pouquiño sobre os comics e a animación feita en Xapón.

Estas “Xornadas de Achegamento ao manga e anime” están organizadas pola Libraría Endo coa colaboración da Asociación Movemento Xove que axuadarán a darnos as claves e as razón polas cales os mangas elixidos para este ciclo teñen tanto éxito non só en Xapón, tamén en España.

O calendario de charlas e proxeccións e o seguinte:

Todas as charlas e proxeccións Terán lugar na Libraría Endo a partir das 19:00h da tarde

(A entrada é de balde )

Xoves 20 de Xaneiro: Cat Shit One e primeiro capítulo do seu anime

Xoves 3 de Febreiro: Nodame Cantabile e primeiro capítulo do seu anime

Xoves 17 de Febreiro: Azumanga Daioh e primeiro capítulo do seu anime

Xoves 3 de Marzo: Tokyo Style e primeiro capítulo do seu anime

Xoves 17 de Marzo: Gege no Kitaro e primeiro capítulo do seu anime

Xoves 31 de Marzo: manganime experimental e cyberpunk e primeiro capítulo do anime Haibane Renmei.