Novedades en libros de importación

 

Cosmode, 39 (último número desta publicación de cosplay)

Editorial: Inforest

Prezo: 20€

Último número dunha das publiciacións de cosplay máis famosas que existen: Cosmode. Neste ofrece un respaso non só ás fotografías dos mellores cosplays dos últimos tempos, ademáis nas súas páxinas pódese aprender trucos para traballar e preparar perrucas dependendo do cosplay ou disfraz que se estea a realizar. Maquillaxe, fotos, peiteados e patróns para elaboración de traxes ou complemetos, son ingredientes que conforman a Cosmode número 39. Unha revista para todos aqueles que desexan aprtender e comezar a coñecer o ampñlo e fascinante mundo do cosplay.

 

Headphone Girls: A pictorial  book

Varios autores

Editorial: Gakken

Prezo: 30€

Un sorprendente catálogo de auriculares no que a través de debuxos de rapazas ilustradas por numeros e famosos mangakas xaponeses se pon de manifesto a potencia a forza que ten un medio como manga para vender e anunciar productos. A pesar de que, como antes se indica é un catálogo, é tamén un álbum recopilatorio de traballos de gran calidade no que artistas coma Okama, Yoshitose Abe, Range Murata... poñen de manifesto que en Xapón, o marketing e a publicidade non ten absolutamente nada que ver coa de Occidente.

Recomendado para os fans dos artistas antes citados, e tamén para aqueles que queiran descubrir a estes a a un bo grupo de excelentes debuxantes. Totalmente recomendado.

Crónica: Concurso Cosplay Entroido 2011

O pasado sábado día 5 celebrouse na Libraría Endo o I Concurso Cosplay organizado pola libraría e na que colaboraron dúas asociación amigas coma son Movemento Xove e Posición B. A Asociación Movemento Xove con Luna, Lucía e Pata coma xurado do concurso e Mestres de ceremonia; e Posición B, que aportaron un gran premio para cada un dos tres gañadores do concurso: unha sesión de fotos profesionais no estudo fotográfico súa sede.

 

Déronse cita moitos e moi bos cosplay coma Dr. Mundo, Teemo, Karma, Hope Stay, Naruto, Simon, Hirata ou Itachi.

Todos eles deron colorido e o toque máis festivo a Libraría Endo este Entroido 2011. Unha tarde moi divertida na que as poses e os disfraces foron os verdadeiros protagonistas.

A tarefa do xurado foi difícil máis ao final decidiron que os tres gañasdores fosen:

1º Posto e gañador: Raquel, co cosplay de Itachi. Os seus premios foron:

Sesión fotográfica en estudio da asociación fotográfica coruñesa Posición B + Cosmode Nº38 (último número que acaba de sair en Xapón desta revista de cosplay) e Tezuka (Memoria y honor) escrito por Alfons Moliné e editado pola editorial Sins entido.

2º Posto: Daniel Diz co cosplay de Dr. Mundo. Os seus premios foron:

Sesión fotográfica en estudio da asociación fotográfica coruñesa Posición B + CLAMP: Mokona´s OKIMONO KIMONO (libro no cal o grupo CLAMP ensina os deseños reais dos kimonos que aparecen nos seus mangas pero feitos coas súas propias mans)

3º Posto: David Carballo co cosplay de Hope Stay. O seu premio foi:

Sesión fotográfica en estudio da asociación fotográfica coruñesa Posición B

A Libraría Endo porase en contacto cos gañadores para comunicarles o día e ahora na que se realizará a sesión fotográfica en Posición B

Moitas grazas a todos, asistentes, asociación colaboradoras, e por suposto aos participantes, xa que sen vos, non houbera sido este Concurso Cosplay.

Fotos do Concurso Cosplay

 

 Para ver máis fotos pincha aquí

Concurso Cosplay Entroido 2011

O Entroido chega á Libraría Endo (A Coruña-R/Entrepeñas, 41 Baixo) e faino ao grande. De que maneira? Pois cun concurso cosplay para todas e todos aqueles que queiran pasar un rato divertido cheo de cor e en forma de personaxes de manga, anime, videoxogos, series…

Todos aqueles que vos queirades apuntar só tedes que presentarvos 18:00 da tarde do día 5 de Marzo na Libraría Endo para que poidamos apuntar os vosos nomes e o presonaxe do que ides cosplayeados, para posteriormente dar comezo ao concurso, que terá unha única categoría: individual. 

O concurso terá unha presentadora e un xurado integrado por tres membros con altos coñecementos sobre patronaxe, anime e manga.

Este concurso de Cosplay está organizado pola Libraría Endo especializada en manga e cultura xaponesa e colaboran no evento dúas asociación coruñesas: Posición B (asociación fotográfica) e Movemento Xove (organizadores de Expotaku 2011).

Os premios serán os seguintes:

1º Posto e gañador: sesión fotográfica en estudio da asociación fotográfica coruñesa Posición B + 2 libros ou Merchan (ainda por determinar)

2º Posto: sesión fotográfica en estudio da asociación fotográfica coruñesa Posición B + 1 libro ou merchan (ainda por determinar)

3º Posto: sesión fotográfica en estudio da asociación fotográfica coruñesa Posición B

As sesións fotográficas realizaranse por dous fotográfos profesionais  e integrantes da Asociación Posición B no estudo fotográfico do que dispoñen na súa sede.