Doll Day

Cartaz realizado por Iria Pardo

Iria Pardo e Laura Fajardo, máis coñecidas coma “Ylliasviel” e  “N3k0_chan “  nos foros da internet son ilustradoras que están a piques de finalizar a súa formación na Escola Pablo Picasso de A Coruña. Pero ademáis teñen unha afición: as BJDS e as Pullips.

Grazas a elas  o vindeiro sábado 20 de agosto, a  Libraría Endo (R/Entrepeñas 41- zona Rúa Barcelona)  celebra o  “Doll Day”, un día totalmente adicado as bonecas de orixe asiático: as Pullip y las BJD.

Ao  longo do día, Iria e Laura impartirán taieres e demostracións de customización e maquillaxe, charlas, concurs​os, exposición de bonecas, complementos e moito máis.
Esperamosvos o sábado pola mañá de 12:00h a 14:00h e por la tarde de 17:00h a 20:00h.

Iria e Laura explican que as BJDS son bonecas de procedencia xaponesa japonesa que se caracterizan por ser totalmente articuladas e por utilizar o sistema de articulación a base de bolas e cordas (coma as bonecas do século XIX). A casa Xaponesa Volks foi  quen lanzou  os primeiros modelos destas bonecas, ainda que actualmente tamén existen casas chinas e coreanas que as fabrican. Están feitas de resina de poliuretano e son totalmente customizables,daí o sue gran atractivo,, e sobre todo existen de moitos e diversos tamaños.

As Pullip son unhas bonecas articuladas caracterizadas polo  gran tamaño da súa cabeza. Foron creadas pola compañía coreana Cheosang Cheonha, e están geitas dun plástico especial. A compañía xaponesa Jun Planing foi a primera en distribuílas. Son totalmente customizables, e  caracteízanse por ter un mecanismo interno na cabeza que lles permite mover os ollos e pechar  as pálpebras.

A vella Lulula nos "Contos da avoa"

 

Mañá martes na Libraría Endo (R/Entrepeñas 41- zona Rúa Barcelona-) os nenos e nenas teñen unha nova cita coa avoa Endo a partir das 19:00 da tarde. Nesta ocasión “Os contos da avoa” están adicados a un conto moi especial: “La vieja Lulula” editado pola editorial OQO e que pOr suposto poderedes atopar nas estanterías de Endo.

“La vieja Lulula” conta a historia de como Lulula decide facer a súa colada diaria e colgae a secar a súa roupa no patio, a pesares do augurio de treboada.

Voces misteriosas saen do seu xardín e case con seguridade proceden do cereixo, o patinete, o azadón, o pozo, o balancín e incluso do seu can e seu loro. Que serán esas estranas voces que a intentan disuadir?  Só tedes que escoitar moi atentamente para descubrilo, e para iso tedes que escoitalo da voz da avoa Endo.

Os contos da avoa: os nenos, os monstros e os debuxos

Como xa sabedes o pasado martes, na Libraría Endo déronse cita os nenos e nenas no contacontos da avoa Endo, dentro do ciclo "Os contos da avoa". O conto en cuestión non era otro que "A visita dos domingos".

Todos os nenos que á libraría se achegaron puideron disfrutar dunha tarde divertida chea de color, monstros e moita risa. Ademáis do "monstroso conto" tamén fixeron a súa propia interpretación dun mosntro e así deixaron voar a súa imaxinación e plasmaron en papel maravillosos debuxos que a continuación poñemos para que vexades o seus traballos.

TODOS OS DEBUXOS E FOTOGRAFÍAS QUE NESTE BLOG APARECEN, EXPÓÑENSE BAIXO O CONSENTIMENTO DOS PAIS/NAIS OU TITORES DOS NENOS.

FOTOS

Os contos da avoa: a visita dos domingos

Este martes ás 19:00h da tarde os nenos e nenas teñen unha nova cita cos contos da avoa na Libraría Endo (R/Entrepeñas, 41 Baixo) Nesta ocasión a historia qua a avoa Endo contará chámase: "A visita dos domingos" Un conto editado pola Editorial OQO.

Este conto ensalza a importancia da implicación dos pais para potenciar e alimentar a imaxinación dos nenos, tan necesaria para a creatividade tanto de pequenos como de adultos.

“O xogo entre pais e fillos, a través da ficción e da fantasía, é moi importante”, argumenta Gubellini que cre “fundamental” alimentar a imaxinación dos pequenos como unha forma eficaz de que “nunca estean sos”. Ademais, a entrega total e cooperación dos adultos neste tipo de xogos afianza que crezan sentíndose “amados e protexidos”.

A particularidade de que este monstro que visita cada domingo ao noso protagonista inspire simpatía, complicidade e afecto, converte a esta historia nun bo instrumento para axudar a superar os medos infantís.

O desenlace de A visita dos domingos corrobora a advertencia de que as aparencias enganan e de que, aínda que a imaxinación debe estar presente en todas as facetas cotiás dun neno, tamén o retorno ás normas faise indispensable na convivencia en familia.

Metamorfose en 2D: unha exposición de Sito López

A libraría Endo (R/Entrepeñas 41 Baixo) estrea unha vez máis unha nova exposición. Nesta ocasión todos aqueles que se acheguen tanto a inauguración, que terá lugar este venres día 10 de Xuño ÁS 20:00h da tarde, coma os que se pasen pola libraría ata o día 8 de Xullo poderán disfrutar da obra de Sito López, fotógrafo e diseñador grafico, que utilizou coma modelo a Erika Seven, unha coñecida cosplayer galega, para acadar un resultado sorprendente no que a fotografía e a a ilustración se entremezclan.

Tal e coma indicfa a propia Erika sobre o traballo de Sito López, esta exposición leva o nome de "Metamorfose em 2D". e como o propio título indica, a exhibición mostra a transfiguración do corpo dunha persoal real a un soporte en 2D como é, neste caso, o tema anime, videoxogos, fan art, ilustracións de temática xaponesa... grazas á fotografia e o photoshop."

A si que xa sabedes, se sodes aficionados ao anime ou aos videxogos, a téma´tica xaponesa... non vos podedes perder esta inauguración, na que estáran Sito Lopez, Erika Seven falando sobre o proceso creativo e a súa experancia con este traballo. Non faltarán un pinchos e unhas bebida para saciar un pouco a fame e a sede.

Loliday: crónica

O pasado sábado foi un deses días que merece a pena vivir como libreiro e coma aamante da cultura que nos chega dende Xapón: manga, anime, ilustración... e tamén a moda. Neste caso a moda Lolita. 

Celebrouse o "Día Internacional do Lolita" ou "Loliday" en Endo e a súa celebración non podía ser máis que un éxito. Endo vestiuse de gala lolita e das súas paredes e teito colgaban preciosos vestidos desta moda que ainda está a coñecerse en España e Galicia. O ambiente creado por "Lolita en Nuncaxamais" para a ocasión fixo que a xente entrase e preguntase sobre o Lolita. 

O asombro dos veciños e da xente ao ver unha marea de vestidos fixo que ao longop da mañá moitos quixeran facerse algunha foto coas protagonitas das actividaedes programadas para este día tan especial. Incluso xaponeses residentes na cidade achegáronse e quixeron levar para casa como recordo unha instantánea do "Loliday".

A tarde prometía unha boa afluencia de xente xa que "Lolitas en Nuncaxamais" darían unha charla e e proxectarían a película "Kamikaze Girls".

Unha charla que nun principio duraría 20 minutos, converteuse nun bonito debate de máis de case 1 hora sobre a moda lolita entre as responsables da charla e a xente que se achegou para escoitalas. A través de imaxes os interesados no tema poideron descubrir unha moda descoñecida para eles. 

A continuación a proyección da película e aplausos as rapazas de Lolita en Nuncaxamais por un día tan especial para o movemento lolita e para elas.

Grazas de novo rapazas.

Fotos do Loliday  

  

Loliday: Día internacional do Lolita

O próximo sábado 4 de Xuño celébrase en todo o mundo o “Día Internacional do Lolita”, por ese motivo a Libraría Endo quere sumarse a este día festivo e tan importante para todos aqueles que seguen unha moda que cada vez gaña máis adeptos ao longo e ancho do mundo, e como non tamén aquí en Galicia.

Pouco a pouco na nosa comunidade comezan a xurdir movementos organizados nos que os seus integrantes, o que desexan é dar a coñecer unha cultura,  un modo de ser e unha estética que chega directamente de Xapón. Ese é o caso de “Lolita en Nuncaxamais” colectivo de rapazas de todos os recunchos de Galicia ( Coruña, Vigo, Santiago, Ourense…) Xustamente elas, boas coñecedoras desta fascinante cultura serán as encargadas de ensinar e dar a coñecer o “Movemento Lolita” este sábado 4  na Libraría Endo a partir das 11:00h da mañá e ao longo de todo o día a ta ás 20:00 da tarde.

Deste xeito realizaranse diferentes actividades relacionadas co mundo Lolita. Entre outras actividades haberá tempo para disfrutar de conferencias, proxeccións, exposición de vestido e complementos. Todos aqueles que se acheguen a Libraría Endo poderán adquirir productos feitos a man polas integrantes de “Lolita en Nuncaxamais” así coma revistas e libros de importación relacionados co mundo Lolita.

Qué e o movemento Lolita?

 

O Lolita é unha moda xaponesa que data dos anos 70. Está inspirada principalmente na estética europea dos séculos XVIII e XIX (máis concretamente no Rococó francés e na Era Victoriana inglesa). Ademais, o Lolita ten outras influencias como o mundo infantil, o gótico, o punk, etc.
A moda Lolita caracterízase por faldas longas e con moito vóo, puntilla, lazos, tocados e peinados complexos, calcetíns altos...

Quén son “Lolita en Nucaxamáis”?

“Lolita en Nuncaxamais” é un foro de Internet no que pouco a pouco vanse reunindo lolitas de todas partes de Galicia e arredores (como Portugal ou Burgos). A nivel interno, o foro e un lugar no que pode atoparse moita información sobre o estilo, así como debates sobre o Lolita ou as última novedades. A nivel externo, “Lolita en Nuncaxamais” organiza eventos para a promoción do estilo.

Lolita en Nuncaxamais

Inauguración de Rubén Mariño e concerto de "Los Triguis"

Voltan as actividades e inauguracións na Libraría Endo (Rúa entrepeñas 41, A Coruña). Esta semana temos preparado para todos os que queiran asistir tres propostas moi diferentes entre elas pero igual de intersantes.

Comezamos hoxe ás 20:30h cunha charla impartida por David Pazos autor do blog Serial Experiments sobre "Artistas e revistas xaponeses da década dos 50 e 60". 

Tal e coma dixo o propio David Pazos: "a charla fará un repaso a unha das Revistas máis importantes dos últimos 60 anos en Xapón pero sobre todo a unha serie de artistas que co seu traballo cambiaron a concepto que do manga se tiña ata entón."

O día de mañán, venres 29 de Abril terán lugar dúas actividades máis. 

A primeira delas realizarase a partir das 18:30 da tarde e estará destinada a os nenos e nenas xa que teremos unha nova sesión dos "Contos da avoa". Nesta ocasión a nosa avoa favorita contará "Tonino el invisible" do italiano Gianni Rodari.

Para a noite temos preparado unha velada moi espacial, xa que  apartir das 20:30 h da tarde o ilustrador coruñés Rubén Mariño (podedes ver os seus taballos no seu blog "Entintadamente") Lamas inaugura na nosa libraría unha exposición de caricaturas e ilustracións. Esta inauguración estará salpimentada coa actuación do grupo coruñés "los Triguis". Os seus compoñentes: José Brea ( voz), Javier Rey (guitarra) e Rubén (piano), tocarán diferentes versións de cancións dos anos 80. Unha boa oportunidade para disfrutar de balde de música e ilustración da mans de Rubén Mariño e Los Triguis.

Esperámosvos a todos na libraría Endo. Nos vos perades estas estupendas actividade!

Calendario de actividades do mes de Abril

 

A Libraría Endo segue co seu calendario de actividades e o més de Abril chega repleto de moitas e diferentes actividades para tod@s.

Para rematar o mes de Marzo, o día 31 deste mes os amantes do manga e o anime, teñen unha cita co manga e o anime experimental e cyberpunk. Poderán disfrutar dunha charla sobre este tipo de manga e animación,e da proxección do anime Haibane Renmei. Todo esto a partir das 19:30 da tarde.

Abril

O venres día 1 de abril: os máis pequenos teñen unha cita cun novo amigo da Libraría Endo: “Matendo”. Con él os nenos poderán acehegarse a “As aventuras de Matendo”. A súa primeira aventura será: “Matendo e os número”.

                                       

O venres día 8 de abril: inauguración da nova exposión na Libraría Endo. Esta cuarta exposión que se colga nas paredes da libraría corre a cargo de Sergio Covelo. Sergio Covelo e un debuxante galego de banda deseñada. Algún dos seus traballos son: “Código Cero”, "H2Oil" e "Barsowia en Llamas" (Dolmen, 2006),  á novela gráfica "Capital" (Edicions de Ponent, 2006) e "Asasinos" (2007). Nesta exposición poderanse ver diversos orixinais do autor.

O xoves 28 de abril: terá lugar unha charla sobre a publicidade xaponesa nos medios impresos dos anos 50.  Unha ollada a autores e publicacións máis relevantes coma a Revista Garo, da que sairon grandes mangakas que deron o empurrón a un estilo e unha forma de facer publicidade en Xapón.

O venres 29 de abril: os nenos teñen unha nova cita cos “Contos da avoa”. Conto ainda por confirmar.

Os contos da avoa: "A que sabe a lúa?"

 

O Venres día 18 de Marzo ás 18:30 da tarde volven as actividades para nenos e fon como non podía ser de outra maneira, cos "Contos da avoa". 

Coma sempre será na Libraría Endo (Rúa Entrepeñas, 41 Baixo).

Nesta ocasión o conto que a avoa elexiu é: "A que sabe a lúa?".

Este venres as sopresas e a diversión chegan a Libraría Endo para que os máis pequenos pasen unha tarde diferente che ade cor e diversión.

A que sabe a lúa ? e un conto no cal os nenos poden aprender a cooperar e traballar en equipo, pero tamén como a lúa durante a noite cambia e se move.

Os contos da avoa: "Grisela"

Hoxe na Libraría Endo fíxose o primeiro contacontos, co conto "Grisela" editado por Kalandraka. Os rapaces que asistiron disfrutaron coma nenos e aprenderon escoitando todo aquilo que a "Avoa" lles contaba a través de debuxos. 

Non quedou ahí a cousa e unha vez rematou o contacontos puidreon debuxar á personaxe de "Grisela" e reinterpretala.

Pronto teremos máis actividades para os máis pequenos. En pouco tempo poremos datas e as actividades que se farán. 

Ata entón, que lede moito.

Fotos dos "Contos da avoa"

(Todas as fotografías nas que aparecen retratados nenos expónse neste blog baixo o consentemento dos país, nais e tutores correspondentes dos propios nenos)

 

Concurso Cosplay Entroido 2011

O Entroido chega á Libraría Endo (A Coruña-R/Entrepeñas, 41 Baixo) e faino ao grande. De que maneira? Pois cun concurso cosplay para todas e todos aqueles que queiran pasar un rato divertido cheo de cor e en forma de personaxes de manga, anime, videoxogos, series…

Todos aqueles que vos queirades apuntar só tedes que presentarvos 18:00 da tarde do día 5 de Marzo na Libraría Endo para que poidamos apuntar os vosos nomes e o presonaxe do que ides cosplayeados, para posteriormente dar comezo ao concurso, que terá unha única categoría: individual. 

O concurso terá unha presentadora e un xurado integrado por tres membros con altos coñecementos sobre patronaxe, anime e manga.

Este concurso de Cosplay está organizado pola Libraría Endo especializada en manga e cultura xaponesa e colaboran no evento dúas asociación coruñesas: Posición B (asociación fotográfica) e Movemento Xove (organizadores de Expotaku 2011).

Os premios serán os seguintes:

1º Posto e gañador: sesión fotográfica en estudio da asociación fotográfica coruñesa Posición B + 2 libros ou Merchan (ainda por determinar)

2º Posto: sesión fotográfica en estudio da asociación fotográfica coruñesa Posición B + 1 libro ou merchan (ainda por determinar)

3º Posto: sesión fotográfica en estudio da asociación fotográfica coruñesa Posición B

As sesións fotográficas realizaranse por dous fotográfos profesionais  e integrantes da Asociación Posición B no estudo fotográfico do que dispoñen na súa sede.  

Os contos da avoa

Este sábado día 26 de Febreiro ás 11:30 da mañá terá lugar la Libraría Endo, a primeira actividade adicada a nenos e nenas. Esta actividade leva por nome: “Os contos da avoa”. Nela, unha avoa fará de contacontontos e ensinará aos rapaces e rapazas unha maneira moi divertida de aprender lendo e escoitando contos.

O primeiro conto que a avoa lles descubrirá aos máis pequenos será “Grisela”. Esta historia editada por Kalandraka ensinaralles que se pode ser moi feliz aceptándose tal e coma un é. Iso e o que lle pasa a Grisela a ratiña protagonista do conto.

Rematarase este primeiro contacontos cunha canción sorpresa dun libro especial.

Invitamos aos nenos e nenas a vir, para pasar un rato divertido e coñecer a Libraría Endo.

Azumanga Daioh na Libraría Endo

Azumanga Daioh

Autor: Kiyohiko Azuma

Editorial: Norma

Prezo: 10€

Este xoves día 17 de Febreiro, terá lugar na Libraría Endo as 19:00h da tarde unha nova sesión de charla e proxección anime que leva por título: “Achegamento ao manga e o anine” Toca un manga con moito humor. O seu autor é o mesmo de Yotsuba!. Estamos a falar de Azumanga Daioh!. Se non o coñecedes e non o lestes, témolo na Lbraría.
Non faltedes!!!

Sinopse de Azumanga Daioh

Este manga segue o día a día de seis rapazas estudiantes e dúas profesoras nunha escola de secundaria de Xapón.

Podemos ver a obsesión de Sakaki cos gatos da cidade, a loita da nena prodixio Chiyo para conseguir a aceptación dun grupo moito maior en idade que ela, a pacencia de Yomi coa súa- menos lúcida- millor amiga Tomo. As ideas descabeiadas de “Osaka” e a competitividade de Yukari, a súa profesora, en situación como as vacacións de verán, festas, probas e  festivales atléticos de cada ano escolar. Ainda que se basea principalemente no cotiá, este manga contén situación absurdas con toques de surrealismo, como cando aparecen os sonos de ano novo dos personaxes.